اسلامک اسٹڈیز کے گریجویٹس کے لیے اعزازی تقریب

 

 اسلامک اسٹڈیز کے گریجویٹس کے لیے اعزازی تقریب

 مولانا توصیف کونڈیکر (دبئ) 

28 مارچ 2021 کو جماعت المسلمین پالگڈھ نے  مغرب کی نماز کے بعد ایک خصوصی تقریب منعقد کی گئی جس میں مولانا ، قاری اور حافظ قرآن کی حیثیت سے نو فارغ التحصیل ہونے والوں کو  اعزاز سے نوازا گیا۔ بے حد فخر اور خوشی کے ساتھ میں عرض  کرتا ہوں کہ اس تقریب میں مندرجہ ذیل افراد کو اعزاز سے نوازا گیا ۔

 حافظ قاری مولانا عطاء اللہ نثار کونڈیکر
 حافظ قاری مولانا انیس زکریا مالدار
 حافظ سلمان محمد مالدار، اور
 حافظ بلال شوکت پورے

جناب مصطفی کڈوپکر جو  جمات المسلمین پالگڑھ کے سیکرٹری ہے اس تقریب کی حمایت اور اہتمام میں ایک اہم  کردار ادا کیا۔ اس تقریب کے صدر مولانا وجیہہ الدین پرکار (صدر  انجمن دردمندان تعلیم و ترقی کھیڈ) تھے جبکہ مہمان خصوصی مہتمم مدرسہ  تجویدالقرآن مولانا عمر عباس دھامسکر تھے۔ مزید برآں  پروگرام میں مہمان خصوصی مفتی حسین مقادم اور مفتی ندیم بشیر مالونکر تھے۔

اس پروگرام میں لوگوں کی بڑی تعداد نے شرکت کی۔ صدر اور  مہمان خصوصی نے  روحانی لیکچرز اور اسلام کی تبلیغی تعلیمات دیں۔ انہوں نے گاؤں کے لوگوں کو حوصلہ دیا کہ وہ اپنے بچوں کو اسلامی عقائد کا مطالعہ کرنے کے لئے بھیجیں۔ مستقبل میں بھی ایسے ہی پروگرام منعقد کرنے کی ضرورت ہے تاکہ اپنے بچوں اور نوجوانوں کو اسلامی تعلیم حاصل کرنے کی ترغیب دی جائے جو ہمارے نبی کریم صلی اللہ علیہ وسلم کی تعلیمات کو ان کی زندگیوں میں شامل کرتی ہے اور ہماری نسل کو صحیح راہ پر گامزن کرتی ہے۔